يا ترى تعرف معنى التوبة ؟؟

08-04-2011, 07:07 PM

يا ترى تعرف معنى التوبة ؟؟

يعني ايه توبـــــــــــــــــــــــــــــــــــــــــــة

نفسي اعرف يعني ايه توبة؟
وازاي اكون فعلا عايشة حياة التوبة المستمرة؟
وايه هي العوائق اللي ممكن تقف قدامي وازاي اتغلب عليها؟
كل ده هنعرفه مع بعض في حوار حلو جدا بين اب كاهن ومعترف
جاوب فيه الاب الكاهن علي كل الاسئلة اللي بتدور جوانا ومش عارفين اجابتها
وشرح فيها مفهوم التوبة الصحيح
خليكوا معانا هنبدأ اولي حلقات جلسة الاعتراف بكرة
يا ريت كلنا نقرأ ونتابع وكل رسالة توصلنا نبعتها لكل اصحابنا علشان ياخدوا بركة ويستفادوا زينا

جلسة الاعتراف الاولي

جاء اليّ شاب لكي يعترف وكان حزينا جدا ويائسا جدا
طبيعي ان الانسان يحزن علي خطاياه ولكن ان ييأس فهذا يضيع الانسان
فسألته :مالك يا ابني
فقال: تعبان ويأسان من نفسي أنا أصلا مكنتش ناوي أعترف لكن الاستاذ مينا اتحايل عليا اني أقعد مع قدسك لكن بصراحة أنا مش شايف اي فايدة لاني حاولت أمشي مع ربنا بس مقدرتش كل ما اتوب أرجع أخطئ تاني ,نفسي أتوب مش قادر
سألته :ممكن اعرف منك ايه معني التوبة؟
فقال :التوبة ان الواحد يبطل خطية
فقلت له :معني كلامك ان لو الواحد يعدي عليه يوم ومعملش خطية يبقي تايب واذا عمل خطية في اي وقت يبقي التوبة بتاعته ضاعت ؟
فقال :ايوه
فقلت له :التوبة هي الرجوع الي لله ,هي علاقة حب وشركة مع الله,هي زيجة روحية بين الله (كعريس للنفس )والنفس البشرية (كعروس للمسيح
يعني التـــــــــــــــــــــــــــــوبة هي صــــــــــــــــــــــــــــــــــلاة
أكلم فيها ربنا وأشكره ,هي انجــــــــــــــــــيل أقرأه وأسمع فيه صوت الله لي ,هي قـــــــــــــــــــداس أتناول فيه جسده ودمه وأتحد بيه
التـــــــــــــــــــــــــوبة هي حيـــــــــــــــــــــــــــــــاة تبدأ بقرار
قرار اني أعيش مع الله كأبن ليه ,أكلم ربنا في صلاتي وأسمع صوته في الانجيل وأتحد بيه في التناول وأحاول أعمل ما يفرح قلبه
ومن ضمن التوبة اني أرفض الخطية وأقاومها وان سقطت اقوم .....وان سقطت أقوم.....وان سقطت أقوم (ميخا 7 :8 )
ومهما تكرر سقوطي وقيامي طول ما انا بأرفض الخطية وأقاومها وان سقطت أقوم فأنا في نظر الله تائب وصديق ومقبول عند الله وتوبتي مستمرة (ام 24 :16 )
شوف الكتاب بيقول :ان سقطت أقوم ماقلش اتوب لاني تايب ,توبتي مستمرة حتي لو وقعت وقمت
شوف الكتاب بيقول:الصديق يسقط 7 مرات في اليوم ويقوم ,ماقلش يتوب ,لانه تايب وصديق توبته مستمرة

(الكاتب : أب كاهن )
من فضلكم كل واحد قرا الرسالة يبعتها لكل اصحابه علشان كلنا نستفيد ونأخد بركة ونغير مفهومنا للتوبة
(وانتظروا الحلقة التانية من جلسة الاعتراف )

جلســـــــــــــــــة الاعتــــــــــــراف التـــــــــــــــــانية

يقول الكتاب السماء تفرح بخاطئ واحد يتوب لماذا ؟ لانه قبل ما يتوب كان مصيره جهنم
وبعد ما بدأ حياة التوبة ,بعد ما قرر انه يعيش في شركة مع الله تغير مصيره وصار من ابناء الملكوت وله مكان في السماء لذلك تفرح به السماء رغم انه في رحلة توبته قد يسقط ويقوم نتيجة ضعفه لكنه مازال تائب صديق مكانه في السماء لذلك تفرح به السماء
قال المعترف :ياااااه معقول ان ربنا بيعتبرني تايب رغم ضعفاتي وسقطاتي وقابلني وبيعتبرني كمان صديق ؟!!!!!!!!
فقلت له :هو ده كلامه في "ام 24 :16 ) وهي دي محبته "محبة ابدية احببتك لذلك أدمت لك الرحمة "
نحن في حالة حرب مستمرة حتي نهاية عمرنا علي الارض
فالروح يشتهي ضد الجسد والجسد ضد الروح وهذان يقاوم أحدهما الآخر
زي فريقين كورة بيلعبوا قصاد بعض لو فريق غلب التاني 5/3 معني كده رغم انه غالب الا انه دخل فيه 3 اجوان وبرده هو غالب
هكذا نحن في رحلة توبتنا طول ما حنا بنجاهد حتي لو وقعنا وقمنا نحن غالبين
في سفر الرؤيا يقول عن ابناء الملكوت (وهم غلبوه بدم الخروف )كيــــــــــــــــــــــــــــــــــف؟؟؟؟؟؟؟؟؟
دم الخروف يغفر خطاياهم لانهم في حالة توبة مستمرة وان سقطوا, يقوموا,بيعترفوا,بيتناولوا ودم الخروف يغفر خطاياهم فيغلبوا ابليس بدم الخروف . ابليس يحاول يوقعهم في الخطية وهم بيجاهدوا وان وقعوا يقوموا ويعترفوا ويتناولوا دم الحمل اللي يغفر وبذلك يغلبوا ابليس

( الكـتاتب أب كاهن )
لو استفدت من الرسالة دي من فضلك ابعتها لكل اصحابك علشان كلنا نستفيد ونتعلم معني التوبة

المصدر: منتدى ام السمائيين و الارضيين - من قسم: قسم الموضوعات الروحيه المختلفه

dh jvn juvt lukn hgj,fm ??