طبق الفلفل الألوان المحشى باللحم المفروم والصوص

04-01-2014, 11:45 AM

طبق الفلفل الألوان المحشى باللحم المفروم والصوص

طبعا كلنا بنحب المحشى وبنحب تناوله بمختلف أنواعه,,,
تعالى النهاردة نقدم الفلفل المحشى,,,
طبق رائع يقدم فى العزومات مع اللحوم المشوية والدجاج
المتبل بجميع أنواعه كلها مناسبة للتقديم بجانبه,,,
يلا تعالى نشوف وصفتنا,,,

المقادير:
6 حبات فلفل ملون
1/ 4 كيلو لحمة مفرومة
6فصوص ثوم مهروسة
2 ملعقة كبيرة زبدة
ملعقة صغيرة بهارات
ملعقة صغيرة قرفة
4 حبات طماطم
2 كوب رز
ملح وفلفل
2 ملعقة صغيرة نعناع مجفف

لعمل الصوص:
4 ملاعق كبيرة صلصة طماطم
1/ 4 كيلو طماطم
6 فصوص ثوم
1/ 2 كوب ماء
ملح وفلفل
2 ملعقة صغيرة نعناع مجفف
1/ 2 كوب نعناع طازج مفروم

طريقة التحضير:
لتحضير الحشوة:
– اغسلي الرز وانقعيه شوية، وبعدين سيبيه يتصفّى.
- شوّحي الرز في الزبدة لمدة 3:2 دقائق، وبعدين ضيفي عليه التوابل (البهارات والقرفة والملح والفلفل).
- قطّعي الطماطم مكعبات، وحطّيها على الرز ومعاها الثوم المفرروم والنعناع المجفف.
- بعد كده حطّي اللحمة المفرومة، وقلّبي الخليط كويس أوي.
- حضّري الفلفل بإنك تقطّعي رؤوسها وتنظفيها من الداخل،
وممكن تمسحيها من الداخل بقليل من الملح.
- احشي الفلفل بالخلطة، وغطّي كل حبة فلفل بشريحة طماطم،
وبعدين بالرؤوس اللي قطعتيها منها.

لعمل الصوص:
– افرمي الثوم وشوّحيه في الزبدة، وبعدين حطّي عليه الطماطم بعد ما تقشّريها وتفرميها.
- دوّبي صلصة الطماطم في الماء، وبعدين ضيفيها على الثوم والطماطم.
- حطّي النعناع المجفف والطازج وتبليها بالملح والفلفل،

وسيبيها تتسبّك لمدة 10 دقائق.
- رصّي الفلفل المحشي في صينية فرن عميقة،
وبعدين صبّي الصلصة عليها وغطي الصينية بورق الفويل.
- دخّليه فرن ساخن على درجة حرارة 180،

وسيبيها لحد ما الفلفل والرز يستوي.
- قدّميها مع الصوص،
وبالصحة والهنا,,,

إقتراح التقديم:
يمكنك تقديم طبق الفلفل الألوان المحشى باللحم المفروم والصوص
مع الحساء الساخن
و الدجاج المشوى بالفرن ومتبل بالثوم والروزمارى

المصدر: منتدى ام السمائيين و الارضيين - من قسم: قسم اسرار المطبخ

'fr hgtgtg hgHg,hk hglpan fhggpl hgltv,l ,hgw,w