القديس المجهول

القديس المجهول

قعدت مرة اتأمل
بسمع قصص قديسين كتير
بقرأ معجزات كتير
بسمع عن نا س حصلت معاهم معجزات كتير


وأحكى وأقول لنفسى دول قديسين

لكنى عمرى مالمست قديس بأيدى
قعدت اتامل كتير
وفجاة لاقيت ربنا بيقولى
على فكرة أنت مش بعيد قوى عن القديسين
بالعكس فى حد أنت تعرفه

قديس
بس للأسف مجهول
قديس خطاياه كتير
لكن جهاده أكتر
قديس كل ما أجى أبص عليه رغم أنه خطاياه كتير
بس بشوف فيه كل الحب كل الخير
ما انا زى ما قولت ليك
جهاده كتير
كل ما بيسقط يقوم
مش بيمل
ولا بيتعب
ولا يقول مفيش فايدة


قديس مش واخد حقه
انت ناسيه مش بتفكر فيه
بس عليه
القديس المجهول
عارف هو مين

انت !
ايوة انت

انت بتسمع عن القديسين وبتقرأ عنهم وحاسس نفسك بعيد عنهم
لكن أنا شايفك قديس
بفرح بيك كل لحظة لما بتقع والآقيك بتقوم من تانى تصلى وتوب
وتجاهد وتثق فيا

انت القديس المحبوب عندى

انت القديس المجهول بالنسبة لنفسك
لكن القديس المحبب على قلبى



اتارينى غالى قوى عند ربنا
اتاريه بيبص ليا بنظرة غير اللى ببص بيها لنفسى

أد ايه انا محبوب
أنا أنا القديس

المصدر: منتدى ام السمائيين و الارضيين - من قسم: قسم سير حياه الشهداء

---

hgr]ds hgl[i,g