من هــــو المســكيـن بالـروح ؟

10-03-2011, 03:02 PM

من هــــو المســكيـن بالـروح ؟

تقول الآية
طوبى للمساكين بالروح لأن لهم ملكوت السموات - متى ٥ : ٣

لقد حدد الرب يسوع المسيح فئة معينة من الناس وقال ان هؤلاء الناس لهم ملكوت السموات وقال ان مواصفات هؤلاء الناس انهم
مساكين بالروح
فهل تعرف من هم المساكين بالروح؟؟

تعالوا مع بعض نشوف مين هو المسكين بالجسد والشخص الفقير وإيه هى مواصفاته

١- الشخص الفقير المسكين عارف كويس اوى انه فقير ومسكين وماينفعش حد يضحك عليه
ويقوله انت غنى لأنه مش هايصدقه لأنه مدرك تماماً انه فقير ومحتاج
٢- الشخص المسكين ده دايماً فى إحتياج وطول حياته فى احتياج لو شبع النهارده
بيحتاج انه يشبع بكره دايماً حاسس انه محتاج
٣- المسكين بالجسد دايماً رجائه وأمله فى الفلوس وهى بالنسبة ليه حياته من غيرها
ممكن يموت من الجوع

اما المسكين بالروح فهو

١- الشخص اللى عارف كويس اوى انه معندوش حاجه يقدمها لله
ومعندوش حاجه تدخله السما ومهما الناس تقوله اعمالك حلوه انت شخص كويس
هو عارف الحقيقه انه فقير ومسكين ماعندوش حاجه تدخله السما ودى فعلاً الحقيقه

٢- الشخص المسكين بالروح هو الشخص اللى دايماً محتاج ليسوع
شاعر بإحتياج شديد ليه والإحتياج ده يومياً ولو شبع منه النهارده محتاج يشبع برضه بكره
وبعده زى الأكل بالظبط مايقدرش ابداً يستغنى عنه مهما حصل

٣- المسكين بالروح رجائه كله فى المسيح أمله كله فى المسيح من غير المسيح يموت ويهلك
مفيش حاجه فى الدنيا تقدر تخليه يعيش غير المسيح ,شخص مدرك تماماً انه من غير المسيح هالك

عشان كده بيقول السيد المسيح إن لم ترجعوا وتصيروا مثل الأطفال لا تقدرون ان تدخلوا ملكوت السموات لأن الطفل فقير ومسكين ودايماً فى احتياج ومايعرفش شر ولا خطيه ولا فيه كبرياء
عارف كويس اوى انه محتاج لأمه ومن غير امه يموت وعارف انه محتاج لها كل يوم

لو انت مش مسكين بالروح وذاتك عامله معاك مشكله اعمل زى ابونا ابراهيم وخدها وخد الحطب وقدمها ذبيحه قدام الله زى اسحق ولو ماتقدرش قوله هو يديك القوه
قوله خد كل كبرياء وكل شر وكل خطيه من جوايا
خد كل ظلم وكل كره وكل شهوة , خد كل حاجه وحشه جوايا انا بسيبها بإرادتى مش عايزها
وخد كل كذب إبليس عمى بيه عنيى وحسسنى انى مش محتاج للمسيح كل يوم وان انا اقدر اعيش من غيره وحسسنى انى مش بعمل زى الأشرار فعشان كده انا داخل السما

مكتوب فى كورنثوس الأولى ١ : ٢٨
"واختار الله ادنياء العالم والمزدرى وغير الموجود ليبطل الموجود"

والأكتر من كده انه بيقول جمله صعبة جدااااا
فى رؤيا ٣ : ١٧ عن الناس اللى مش حاسين انهم مساكين
بيقول
"لانك تقول اني انا غني وقد استغنيت ولا حاجة لي الى شيء
ولست تعلم انك انت الشقي والبئس وفقير واعمى وعريان"

المصدر: منتدى ام السمائيين و الارضيين - من قسم: قسم الاسئله والاجوبه الروحيه

lk iJJJJ, hglsJJ;dJk fhgJv,p ?