قصيدة ست البنات – للدكتور بشرى

قصيدة ست البنات – للدكتور بشرى

أمه كانت ولا بنته كان بيطيعها وهي أمته

كان بيأمر ....ولا يطلب؟ ولا بنظره بتفهم طبيعته
يا أمه وأمنا ....حيرتي عقلنا كان ربك والضنا
طب كنتي تصلي لمين ؟ كنتي بتصلي له ؟ (تنظري فوق )
ولا بتصلي له ( تنظري لمن بين يديك ) وعنه تحكيله
كان حمل ولامعين كنتي عارفه اللي في ضميره
يوم ماهمسك طيف عبيره ماصرختيش .... خوف من مصيره
كان فرحان ولا حزين كان بيقولك ماتخافيش
ولاكان بيقول هاعيش ولاكان يغيب مايجيش
كنتي تخافي من الفريسين كنتي خايفه من الحراس
ولا عارفه إنه الخلاص وأما قالوا اليوم خلاص
قولتي لأ ولا أمين وأما آن بيكي الأوان
واللي خفتي منه كان وظنوا في موته الأمان
ماصرختيش ..... هو أبن مين كنتي عارفه أيه هايصيبه
ولا سيبتيه يقابل نصيبه وأما عدى .... أما عدى شايل صليبه
كلمك ؟..... ولا خاف من الجلادين وأما نصبوله الصليب
والمسمار كان نار لهيب والحربه والجلد الرهيب
والشوك المغروس على الجبين كان فين ؟ كان في راسه ولا قلبك ؟
على أد دمه سال دم حبك ده أبنك الميت وربك
يعني له ومنه الحنين ده حتى اللي جاب الأمان
للعرج والخرس والعميان الكل كان خواف .... جبان
الكل مسكوله سكاكين ده نكره ضخرة الأيمان
والتاني راح باعه بالمال مابقاش غير يوحنا على الشمال
وانتي واقفه على اليمين
أمه كانت ولا بنته كان بيطيعها وهي أمته
كان بيأمر ....ولا يطلب؟ ولا بنظره بتفهم طبيعته
يا أمه وأمنا ....حيرتي عقلنا كان ربك والضنا
طب كنتي تصلي لمين ؟ كنتي بتصلي له ؟ (تنظري فوق )
ولا بتصلي له ( تنظري لمن بين يديك ) وعنه تحكيله
كان حمل ولامعين كان بيبكي من الخيانه
ولا من شدة أسانا ولامن فرحة فدانا
ولا بيبكي من الآلامات ولاعشان الكل أسيوا
بعد ماتابوا رجعوا نسيوا وبعد ما على الشط رسيوا
غرقوا تاني في اللي فات وأما فات من اليوم نهاره
وخلص اللص اللي جاره وداق الخل ...ومرارة
كان خلاص بطل آهات ؟ كان صموده للنهايه
أحلى من إعجاز وآيه وكان كفايه من الحكايه
إنه ضحى خلاص ومات ...مات مات فوئيكي وانتي واقفه
مات حاميكي وفضليتي خايفه ؟ طب كنتي مغمضه
ولاشايفه موت حبيب الذكريات بس جنب دموع الموده
شفت في عيونك ياعدرا شوكه طالعه من قلب ورده
يعني الأمل جنب الضيقات شوكة الآه والأنين
شوكة خوف غدر السنين وورده يعني حب وحنين
كنتي عارفه إنه قايم من الأموات كنتي عارفه إنه قايم
كنتي حاسباه بس نايم وأنه بعد قيامته دايم
بس راح في القبر بات دي حكاية الأم الحنونه
اللي ليها في قلوبنا أونه خلفت رب المعونه

بس فضلت ست البنات

المصدر: منتدى ام السمائيين و الارضيين - من قسم: موضوعات مختلفه ونادرة عن العذراء

---

rwd]m sj hgfkhj – gg];j,v favn

شكرا لك أختى الغالية نيتا
الرجا الأكثار من موضوعاتك الرائعة دى