بيت لله داخل القلب بقلم الأب القمص أفرايم الانبا بيشوي

بقلم القمص افرايم الأنبا بيشوى

أنت امرت ان نبني لك هيكل يارب

وقلت كنيستي بيت صلاة لكل الشعب

فيها أحل وسطكم واكون معاكم بالحب

واقبل صلواتكم وتحيوا معايا فى القرب

وأمنحكم اسراري فيها وأكون نعم الاب

يلجأ ليا الخاطي ويتوب ويكرس لي القلب


انا مش هاقدر ابني كنيسة من حجارة يارب

بس هاحاول أبني كنيسة وهيكل ليك جوايا

مسكن روح قدسك فيه يحل، ويدشنه بالحب

تعمق اساسات البيت فى الباطن،تتهدم وتشيل

كل شهوة غريبة عن حبك وكمان قساوة القلب

وبالايمان العامل بالمحبة تخلى قواعد ثابتة

تعلى عليها الاعمدة بالطاعة ليك يا أحن أب

بالتواضع يقوى البيت وبالعفة أعمدته تشتد

اسواره بالحكمة والزهد والحرص هاتكمل

تمنع اللصوص وبكلامك يتنقى من كل عيب


بالمحبة لله والخير والغير الأعمدة هاتصير

منطلقة نحو السماء دائما من غير تقصير

مع الصبر ثابت لاقتناء النفس للنفس الاخير

والجهاد تسنده النعمة دايما منك يا قدير

ويكون بيتك مقدس فيا مع الحواس والتفكير

وعواطفه كلها رحمة وحب وروحك اللي يدير

وتكون انت الراعي والسيد والمخلص القدير


تسكن انت داخل البيت دائما ليل ونهار

وتكون مجد فى داخله وحوليه سور من نار

قلبي يكون هيكل مقدس ليك تعلن فيه الاسرار

واقدم عليه ذبائح روحية مقبولة ليك يا بار

وأنظفه بالتوبة ودموع دائما وعلى مجدك تغار

وأملاه من كل فضيلة عشان انا ابنك المختار

وارفع لك صلوات مقبوله كبخور لسماء الابرار

قبة هيكل قلبي زينها واملائها بالانوار

ايقونات التلاميذ فيها قدوة، ينيروا كالاقمار

ايقونتك فى وسط القبة تنور، كشمس النهار

تشبع قلبي وروحي انت، بعشاء الاسرار

وتروي نفسي العطشى تملى، يا قدوس وبار

وصليب خلاصك فوق القبة، يدى سلام للقلب

مذخر فيه كل كنوز الحكمة والعلم، يثرى الافكار

منه أتعلم بذل وصبر وطاعة، لنهاية المشوار

وأذوق الملكوت وطعم حلاوته، دا فرح الابرار

أكون كأني فى السماء معاك، دا شهوة نفس البار

المصدر: منتدى ام السمائيين و الارضيين - من قسم: خواطر مسيحية

---

fdj ggi ]hog hgrgf frgl hgHf hgrlw Htvhdl hghkfh fda,d

جميله جدا ربنا يباركك اخي المحبوب يسرى ويخليك