افتقاد شبابنا علي الشات

08-14-2011, 06:21 AM

+++ افتقاد شبابنا علي الشات +++

فكرت فكرة قال قلت أيه
دخلت قال علي الشات يابيه

كلمت مين وازاي وليه
قال قلت افتقد كل اللي فيه

دة في شباب كتير وضايع
لو سبته ضايع دي خيبة ليه

دول ولادي وكمان بناتي
مقدرش اسيبهم واندم عليه

في كل يوم ما يجيني نوم

عالنت اسهر واكتبله فيه

كل النصايح من غير فضايح
منهم يقول بكدب عليه

صدقني لأ بقول بدئة
ربك دة شايف والعلم ليه

ولادي وبناتي من حبي فيهم
لو سبته يوم هموت عليه

الواد فلان والأخ علان
دول خلوا عقلي طار باللي فيه

فلان دة واد قيمة ومجدع
عاقل وراسي بس أعمل فيه أيه

سايب دراسته ما في محاضرة يحضر ياعيني
وشاغلي نفسه وما في كتاب يبص فيه

يدخل الشات يغري البنات
عاملي روميو ويحبوا فيه

علي أيه دي خيبة وتبقي عيبة
لو واحدة فيهم ضحكت عليه

حب ياعيني من كل قلبه
واداها حبه أديته بمبة مسألتش فيه

حصله هوسة صعق ياعيني
من الصدمة الكبيرة اغمي عليه

لكن دة فاق وعقله راق
وقام لحيله علي رجليه

حلف لياخد بطاره منهم
وفي الحقيقة ما بص بعينيه

سمع نصيحتي وقام ونفذ
وقال خلاص معدش فيه

فكر بعقله وشاف مشاكله
دة كان مدبلر من خبته ليه ؟

شاف حساباته وكل اللي فاته
ذاكره بأمانة وفرحت به

ساب البنات والزكريات
وأترد عقله من تاني فيه

بقي عاقل وراسي مش قلبه قاسي
حبوب وقلبه شايله بأيديه

يديه لغيره وينصح حبايبه
حتي حبايبه من حبه فيهم يجروا عليه

عملوا رحلة ورحت شفته
أحساسي قاللي دة هو دة جريت عليه

كلمته كلمة من غير مجاملة
حبيته خالص دة واد نبيه

بس الحقيقة زعلت خالص
في الرحلة كانت كل البنات لايفين عليه

تااااااني ؟ هترجع .. متفوق يراجل
أيه اللي نابك روحي يافيبي وكلميه

قوليله كلمة وأدي النصيحة
وبيها يمكن تفرمليه

بس بصراحة حسيت براحة
في الرحلة أصلي كل النصايح أديتها ليه

يالله يافيبي تابعي حياته
في يسوع الهه وفي الكنيسة ثبتيه

دكتور ياربي من كل قلبي
العدرا تدي اللي نفسه فيه

يوم التخرج قلبي هيفرح والكل يمرح
يالله يافيبي روحي وجيبي روب التخرج ولبسيه

المصدر: منتدى ام السمائيين و الارضيين - من قسم: قسم الشبابيات

htjrh] afhfkh ugd hgahj