ياترا يانفسي

ياترا يانفسي

ياترا يانفسي كام مره شكرتي اللي فداكي وياترا ازاي بتشكريه؟
للاسف انا بطلب بس عمري مافكرت اشكر عمري مافكرت اسال عن ربنا وهو دايما مش بيسبني وشكري اللي بقدمه هو ضربه بكرباج وبصياط الخطيه وبدق في يده مسامير عنادي وفي جنبه بضربه بحربه خضوعي للشيطان

ياترا بكام بعتي يسوع يانفسي وهو بكام اشتراكي؟
بعتيه بايه يانفسي بكدبه ولابشتيمه ولا بنظره وحشه ولا بعلاقه تجيب الهم في قلبي ولا بشويه فلوس خدتهم وقولتي محدش داري بيا ولا بعتيه علشان عاده مش قادره تبطلها ولا بسجاره مش قادره تطفيها ولا بعتيه يانفسي علشان تتزلي في يد شيطان ملعون
وعارفه يانفسي يره هو بكام اشتراكي ده اشتراكي باغلي الاتمان اشتراكي بدم غالي وثمين اشتراكي بحب يكفي عالم وانتي تبعيه بارخص الاتمان

ياترا يانفسي قد ايه صلبتيه وقد ايه هو حبك ؟
صلبتيه بعدد الكدب اللي قولتيه صلبتيه بعدد المرات اللي اشتهيتي فيها صلبتبه في كل ليله سبتيه مستني يسمع صوتك
وقصاد ده كله حبه بيزيد مابينقص فيض حنانه بيغمرك تاني وبيقولك تعالي في حضنه تاني

ياترا يانفسي متي هتوبي ومتي هتحسي بجروح اللي حبك؟
بتقولي هتوبي لما تكربي يعني لسه عايزه تتحديه وتصلبيه تاني ولا لسه مش شايفه قد ايه بتزلي ومن ضمنك يانفسي انك هتخرجي النفس الجاي اما انتي ضعيفه ومش ضامنه عمرك لحظه ليه لسه معانده ولا انتي ناسيه ماصيرك في العذاب الابدي اذا استمرتي في عندك ولا لسه القشور مغمضه عناكي فمش شايفه حب يسوع ليكي وحلاه العشره وياه

وياترا يانفسي امتي هتشوفي جراح يسوع؟
اللي بسبب حبه ليكي وتتاثري وتعرفي قد ايه هو حبك وتشكريه وترجعيله علشان حتي تخففي الالامه وتشوفي حلاوه العشره وياه
يلا يانفسي قومي اطلبي منه يسكن قلبك ويطهرك من كل شر يلا يانفسي قومي قبل فوات الاوان وتلاقيكي رحتي لعذاب مالوش نهايه وساعتها الندم ماهينفعكيش يلا قومي يانفسي صليله واخضعي له


ابي الحنون والرحيم
اقبل توبتي انا الخاطي الساقط
اقبل توبتي يا الهي وسامحني
سامحنى علي سنين العمر اللي ضاعت مني
يارب سامحني
يارب اغفر لي يارب
اقبل توبتي انا الخاطي
يارب توبني قبل ماتخدني
امين يايسوع

المصدر: منتدى ام السمائيين و الارضيين - من قسم: قسم الموضوعات الروحيه المختلفه

---

dhjvh dhktsd

الرب يبارك خدمتك

شكراااااااااااااا