مش للذكريات

ماتقولوش البابا مات ..
البابا مش للذكريات
البابا أب
البابا حب
البابا قلب ف دنيته..
تنسى القلوب كل الاهات
فماتقولوش البابا مات
البابا فات الدنيا بدري من زمان
من يوم ما ودعها زمااااااااان
وساب نظير ..
واختار بكيفه يعيش فقير
علشان إله لم عمره مات
وساب حاجات تانيه كتير
علشان يعيش جو السما
رحلة فقير عايش كما
الطير اللي ماسك حباياته ببسمته الملهمه
او زي طفل بيـبتسم
بسمة جميلة ومُبهمة..
هي كده حياته مفيهاش همهمه
يا تلاقي صمت شديد ..
يا كلمة م السما
سابنا اللي كان ..
بيترمي ف حضنه الجميع
سابنا اللي كان ف عيونه بنشوف السما

كان بس زاهد ارضنا
لكـنه يوم ولا عمره مات
البابا عايش ف القصايد والعظات
صدقوني مش كلام ..
وقت الخبر ملايين زحام
علشان يقولوا " لأ مامتش"
يمكن دموعنا هفهـفت على ريحته لكن
البابا ريحته عايشه فينا وف الاماكن
لو مات .. تموت معاه سنين
البابا ناس مترصصين جوا الحارات
فاكرين ايديه الممدودين بالخير يوماتي
وبابه اهُه شاهد على كل الحاجات ..
وكل تعبه ف اللي فات..
واضح أوي ف كل اللي آتي

سابنا اللي كان بيترمي ف حضنه الجميع
لكن فراقه بالجسد ماسموش فُراق
ممكن تقول انه اشتياق ..
لكل متعه ف السما عنده هناك
سابنا الملاك ..
سابنا اللي كان بيترمي ف حضنه الجميع
فى وقت فيه العالم هلاك ..
سابنا الوديع ..
لكن عزانا والأكيد انه بقى لينا شفيع
..منقول.