منتدى ام السمائيين و الارضيين - عرض مشاركة واحدة - شارك معانا موضوع متكامل بمناسبة صوم الست العدرا

08-07-2011, 09:05 AM

مريم أسم جميل

مريم أسم جميل

مريم أسم جميل
يشفي كل عليل
أم الله .. كنز الرحمة وأصل التهليل

يوم ما سمعت أنك ظهرتي
في كنيستي بشبرا
قلبي أشتاق عشان يشوفك
يا أمي الحنون

طول عمري من وأنا صغير
في حبك مفتون
بفكر فيك يا مريم وفي السر المكنون

كل ما أكبر أحبك اكتر
يا حصن النجاة

أنت الزهرة وأنت العرش
للرب الإله
كل جروحي تروح يا مريم
بفضل صلاتك
وكل خير ها تشوفه عنيا
بفضل شفاعاتك

من غيرك يا مريم
يقدر يرد الضاليين
من غيرك
يشفع في دموع التايبين
من غيرك يا مريم
فيه إيمان المؤمنين
من غيرك أنت يا مريم يا فخر المسيحيين

مين أحسن منك نلجأ إليه
مين شفاعته قوية زيك .. نتكل عليه
مين يعرف أصلك يا مريم
ويقول لي عليه
سما أنتي ولا شمس ولا أسميكي إيه

كل اللي ينكر فضلك .. يجي الحزن عليه
عرفيه يا مريم مجدك نور ليه عنيه
في الحال يعرف مجد أسمك وافضالك عليه
يبكي ويقول يا قسوتي .. كنت بنكر ليه ؟

اشفعي فينا يا مريم
ده أحنا شعب يسوع
تعالي وحلي في وسطينا
وامسحي الدموع