منتدى ام السمائيين و الارضيين - عرض مشاركة واحدة

08-03-2011, 03:22 PM

حوار بين الله وانسان فاقد الأمــل

حبيبى لية تخاف انا معاك صدقنى

يارب انا خايف من نفسى من الناس من بكرة من الفشل من كل حاجة

يابنى انا معاك النهاردة وبكرة وسط الناس و من غير الناس وحتى فى الفشل مش هسيبك

ياربى انا مش نافع فى حاجة حتى كلامك معندش بياثر فيا

حبيبى انا برضو هفضل معاك حتى لو انت مش حاسس او مش فاهم او مش شايف لانى بحبك

يارب بتحبنى على اية مفيش حاجة صح كله غلط

يابنى انا بحبك لانك ابنى انا عارف انك ضعيف وتعبان وانا بتاع التعبانين والضعفاء
صدقنى حلك عندى

ياربى انا مش قادر اصلى مش عارف مش عاوز انا مش نافع فى حاجة

ياحبيبى كفاية لسة انك بتفكر فيا وعاوزنى وبتطلبنى حتى بقلبك انا عارف انى فى قلبك

ياربى مش شايف حاجة بتتغيرمن سئ لآسوء كله ظلمة كله غلط

ياحبيبى انت مش شايف حاجة من الحزن الكأبة مش شايف
انت مش شايف انى بحبك انت مش شايف انا اقدر على كل حاجة مش شايف انى عارف بعمل اية انت بس مستعجل شوية

يارب انت كمان بالك طويل اوى وانا تعبان

يابنى كل حاجة ليها وقتها صدقنى وكل حاجة ليها وقتها بس ماتيأسش

يارب يعنى لسة فى امل

ياحبيبى الامل عمره ما بيروح بس متنساش صليبى وصليبك وابديتك

وحاول تانى وانا معاك
مش هسيــــــــــــــــبك ابدا

حاضر ياربى باركنى وأسندنى بيمينك الطـــاهرة

المصدر: منتدى ام السمائيين و الارضيين - من قسم: قسم الموضوعات الروحيه المختلفه

p,hv fdk hggi ,Ykshk thr] hgYlg