بيت لله داخل القلب بقلم الأب القمص أفرايم الانبا بيشوي
http://im38.gulfup.com/FCVIN.jpg بقلم القمص افرايم الأنبا بيشوى أنت امرت ان نبني لك هيكل يارب وقلت كنيستي بيت صلاة لكل الشعب فيها أحل وسطكم واكون معاكم بالحب واقبل صلواتكم وتحيوا معايا فى القرب وأمنحكم اسراري فيها وأكون نعم الاب يلجأ ليا الخاطي ويتوب ويكرس لي القلب http://www.konozalsamaa.com/up/uploads/13202386351.gif انا مش هاقدر ابني كنيسة من حجارة يارب بس هاحاول أبني كنيسة وهيكل ليك جوايا مسكن روح قدسك فيه يحل، ويدشنه بالحب تعمق اساسات البيت فى الباطن،تتهدم وتشيل كل شهوة غريبة عن حبك وكمان قساوة القلب وبالايمان العامل بالمحبة تخلى قواعد ثابتة تعلى عليها الاعمدة بالطاعة ليك يا أحن أب بالتواضع يقوى البيت وبالعفة أعمدته تشتد اسواره بالحكمة والزهد والحرص هاتكمل تمنع اللصوص وبكلامك يتنقى من كل عيب http://www.konozalsamaa.com/up/uploads/13202386351.gif بالمحبة لله والخير والغير الأعمدة هاتصير منطلقة نحو السماء دائما من غير تقصير مع الصبر ثابت لاقتناء النفس للنفس الاخير والجهاد تسنده النعمة دايما منك يا قدير ويكون بيتك مقدس فيا مع الحواس والتفكير وعواطفه كلها رحمة وحب وروحك اللي يدير وتكون انت الراعي والسيد والمخلص القدير http://www.konozalsamaa.com/up/uploads/13202386351.gif تسكن انت داخل البيت دائما ليل ونهار وتكون مجد فى داخله وحوليه سور من نار قلبي يكون هيكل مقدس ليك تعلن فيه الاسرار واقدم عليه ذبائح روحية مقبولة ليك يا بار وأنظفه بالتوبة ودموع دائما وعلى مجدك تغار وأملاه من كل فضيلة عشان انا ابنك المختار وارفع لك صلوات مقبوله كبخور لسماء الابرار http://www.konozalsamaa.com/up/uploads/13202386351.gif قبة هيكل قلبي زينها واملائها بالانوار ايقونات التلاميذ فيها قدوة، ينيروا كالاقمار ايقونتك فى وسط القبة تنور، كشمس النهار تشبع قلبي وروحي انت، بعشاء الاسرار وتروي نفسي العطشى تملى، يا قدوس وبار وصليب خلاصك فوق القبة، يدى سلام للقلب مذخر فيه كل كنوز الحكمة والعلم، يثرى الافكار منه أتعلم بذل وصبر وطاعة، لنهاية المشوار وأذوق الملكوت وطعم حلاوته، دا فرح الابرار أكون كأني فى السماء معاك، دا شهوة نفس البار http://www.konozalsamaa.com/up/uploads/13202386351.gif http://www.emanoeel.com/up/uploads2/...db4ef1254f.gif |
جميله جدا ربنا يباركك اخي المحبوب يسرى ويخليك
|
الساعة الآن 03:56 PM. |
Powered by vBulletin® Version 3.8.11 Beta 4
Copyright ©2000 - 2024, Jelsoft Enterprises Ltd
جميع الحقوق محفوظة لمنتديات ام السمائيين و الارضيين