منتدى ام السمائيين و الارضيين

https://scontent-mrs1-1.xx.fbcdn.net...14&oe=56244F26

تجربة صعبة وجاية عليك
ابليس جاى عايز يأذيك
اصحى وفوق
قبل ما طعم الشر تدوق
فتح بص قوام حواليك
ابليس جاى بسرعة وجايب
أقوى تجارب
أول تجربة يا أنسان
جاى يقول لو كنت جعان
مش محتاجة تكون حيران
نادى الهك خليه يسمع
خلى الصخرة دى خبز وأشبع
وأسمع ليا
أوعى بجد تسمع ليه
وأسمع رد الهك أيه
قال مكتوب ...
مش بالخبز الآرضى تعيش
مهما أكلت ما يكافيش
أه صدقنى
أصل لا يمكن منه هتشبع
لكن شبعك فى الأنجيل
كلمة رب المجد دليل
هيوديك للخبز الحى
خبز الهى لعمرك ينفع
وهيكفيك
تجربة تانية وجاية عليك
والمرة دى هتغرى عينيك
هتشوف كل ممالك الدنيا
أيوة فى ثانية
فاكر انه بكده يغريك
وكمان هيقول كلها ملكك
بس بشرط تسجد ليه
تنسى الهك قالك أيه
أوعى تصدق .. عارف ليه ...؟
كل اللى أنت تشوفه سراب
أبليس طول عمره كداب
يخدع بس .. أسمع حس
ادى يسوع بيرد عليه
قال مكتوب ...
أوعاك تسجد الا لربك
اسمع صوته جوه فى قلبك
اطلبه تلقاه دايما جنبك
هينجيك
تجربة تالتة وجاية عليك
جاى يهز ايمانك فيك
المرة دى يقول مكتوب
ويلف بالكلمة دروب
علشان يزرع جواك شك
وتقول ده كلام مش محسوب
أه هيقولك
أرمى من ع الهيكل نفسك
وأصرخ لألهك ده بحسك
لو هيحسك
راح تلقى ملايكة حواليك
وهتحميك
أوعاك تسمع منه كلام
وأسمع صوت الرب قوام
رد عليه وقال مكتوب ...
ماتجربش الرب الهك ماتجربش
كل وعوده صادقة وافية مابتتسابش
أمسك فيه .. أحتمى بيه
وابليس مهما يقولك أيه
ليه ماتمعش
وان جابلك بأيديه المية ماتقربش
وأجرى بسرعة بعزم ما فيك
روح على حضنى وهنجيك
راح احميك من أى تجارب
عنك يا ابنى أيوة هحارب
وهاكون غالب
بس تعالى ومد أيديك
مستنيك

http://files.arabchurch.com/upload/i...8739615762.gif
http://files.arabchurch.com/upload/i...6444483622.gif