الأب المحب والإبن الضال للأب أفرايم الانبا بيشوى

[بن الملك]

الأب المحب والإبن الضال

http://upload.konozalsamaa.com/uploads/136473902219231.jpg
http://im38.gulfup.com/FCVIN.jpg (http://st-maria.info/vb/showthread.php?t=9566)
بقلمالأب أفرايم الانبا بيشوى

ربما مثل هذه الافكار اوغيرها راودت الابن الضال فى رجوعه لبيت ابيه.

جايلك يا أبويا بكل ذنوبي
أنت عارف ضعفي وعيوبي
وشايف عريي وتمزق توبي
حاسس كمان بفقدي لصوبى
بعنادي انا ضيعت نصيبي
برفضي وبعدي فقدت الوداعة
وعشت الضياع دا اللذه ساعة
يعقبها ألم وحسره وشناعة
رمي الشيطان عليا سهامه
وسرت وراه وكأني ميت حي
حلي الخطية قدام فكري وعيني
واصدقاء الشر حوليا نسوني
ازاي أعيش طاهر وعفيف
لحد ما احتجت انا للرغيف
سبوني جايع وراحو لغيري
بعد ما آكلوا أطيابي وخيري
وبقيت اشتهى أكل الخنازير
عشت للخطية كساعي حقير
من يأسي قلت، أرمي نفسي فى بير
لكن حبك خلاني آجي اليك كفقير
قلت ارجع لابويا ولو كأجير
رجعت واثق فيك اني انت الخير
رجعت وراسي مطاطي مكسوف
لقيتك بتركض وعلى تطاطي
بقبلات حارة ومحبة بتغمرنى
وبثوب البر بتستر عوراتي
وتقول انت ابنى وقلبي ولذاتي
العجل المثمن ندبح وندعو الناس
نفرح دا اليوم، دا يوم خلاص
ابنى دا كان ميت وعاش
فى بالى قلت حرمت خلاص
بيت ابويا عز وجاه يا ناس
وبعيد عن ربى دا فيه إفلاس
الخطية تنجس وتوطي الرأس
بصيت لابويا وبدموعي قلت
سامحني يا ابويا انا خاطئ
بصليا ابويا وقالى خلاص
دا انا كلى لك محبه واخلاص
باغلي ما عندي يا ابني أفديك
وارحمك من النار وأنجيك
وكل ماهو لي، هو ليك
وكنيستي يا ابني ليك مفتوحه
وكمان سمايا مجدى هاوديك
شكرا يا ابويا على فضلك
وحياتي من الان هي ملكك
ووقتي كله بين ايديك
هنادي للبعيد يرجع اليك
دا محبتك يارب بتغمرنا
ونعمتك يالهي أمر بتآمرنا
نعيش نتغنى بافضالك
من مثلك أب فى رقتك وجمالك
تصنع الرحمة معانا في كل أعمالك
وتفرح قلوبنا برحمتك واحتمالك
دا انا كنت ضال وانت لقيتى
ومن الخطية ومن الموت فديتنى

http://www.emanoeel.com/up/uploads2/images/emanoeel-db4ef1254f.gif