ياست الكل ياأصيلة

[بن الملك]

يا ست الكل يا أصيله


http://3.bp.blogspot.com/-Z_PJDxP6O6A/UC3Mfc6wXuI/AAAAAAAACiE/9rVkEemWItE/s1600/images.jpg (http://3.bp.blogspot.com/-Z_PJDxP6O6A/UC3Mfc6wXuI/AAAAAAAACiE/9rVkEemWItE/s1600/images.jpg)


للأب القمص افرايم الانبا بيشوى

يا ست الكل
يام العيون الكواحل
والقلب الكبير
يا أمي يا غاليه وياعاليه
مهما كبرتي وشختى
ترجعي صبيه بماء النيل،
ومهما مرت عليك احزان
وفساد وسرقه
ترجعي غنيه وقويه
بشعبك وعلمك وفنك الاصيل.
مهما يقولوا عليكى دي عليله.
وثورتها عوره ومخطوفه
وتبقى مديونه وتطلبيمساعده
من اللي يسوى واللي مايسوى
ويفكروا شعبك ذليل.
تنهضي يا بلادي
ويبقى شعبك هو الاصيل.
.......
يام الفستان الاخضر والاصفر
ياللى على سواعدها بتشمر
ياللى جوتى على الانسان
بالبيان وبفجر الضمير
ياللى من زمان غنالك اولادك
بالناي اشعار
وقالوا على المزمار
فيكي المواويل.
اهرامك وطبك وعلمك وادبك
تشهدلك يا امي من جيل لجيل
يا عروسه الشرق يا جميله
عيون سهرانه عشانك تصلى
وقلبى موجوعه عليكى تملى
ومهما قالوا عليك يا امى
هتفضلى الاحلى والاغلى
وقلبك يفيض لينا بالحبوالخير
يا امى للمجد احنااولادك نعلى
.........
يا بلدي ياللى راسها فى اسكندرية
فيه المنارة والحضارة
وفيها مار مرقصلينا يصلى
وصدرها فى الدلتا يدرالخير
وفاتحه ذراعيها من سيناءلمطروح
بتقول بضمك يا ولدى فينما تروح
انت لينا يا امى الروحولو ولدك
فى سيناء روحه للبارىرايحه تروح.
ليكى نضحى.
يابلدى ياللى قلبهافى القاهرة
القادرة والحاضرة
بلد الكنائس والمآذن تفضلعامرة
يا بلدي ياللى بتوبها لينا ساتره
توبك الفضفاض
من البحر الاحمر للوحات
منه ناكل البلاحات
ونشوف عجايب الاسماك
ونسهر فى الهدوء نقولاهات
يابلادى يا للى رجليها فى الصعيد
سمرها يحلى وجملها أحلى
مهما اهملوه فىتعاقب الحكومات.
................
يا بلادي يا غاليه
انهضى وقومى
اوعى يوم على الفساد تسكتي
ولا تقبلي بالظلم لولادك
واظهري معدن ارجالك
اوعى قطر الحضارة يعديكى
والجهل والفقر والمرض
يعشش فى ربوع واديكى
قومي يا بلدي ونظفى شوارعك
وغذينا من لبنك وضرعك
وصحى الضمائر النايمة
والناس اللي من الحقد بقت
مجنونه او هايمه
قومى يا بلدي وطهري قلوب
من الخطايا والتعصبوالذنوب
وخلى شعبك يتلاشى العيوب
بلاش الاخو يأكل لحم اخوه
والا الولد يوم يرفع عينهعلى ابوه
ولا الوالد يكون قاسى علىولاده
ولا الرئيس يكون ناسى مجداجداده
ولا المسئول يقول انى كبير
على المحاسبة والمعاتبة والقانون
وباذن الله مش هيكون
فيك مريض ولا مجنون
ولا حاميكى يكون حراميكى
قومى يا بلدي ولمى اولادك
وكونى حانيه على الضعفاء
وإعملى بجد تعيدي امجادك
ويجمعنا قلبك الكبير
ويروينا بدمه النيل
ونتغذى من خيرك الكتير
وتضلك يا ست الكل
مضيافه وبيتك دار الكرم
بيت القيم والقمم والشعبالاصيل
على الكل خيرك
ولا ترضى ابدا بالشماتة والمذله
قومى يا بلدي لسهمشوارك طويل.


https://blogger.googleusercontent.com/tracker/5022412110887341017-6493110858784308946?l=the-goodshepherd.blogspot.com (https://blogger.googleusercontent.com/tracker/5022412110887341017-6493110858784308946?l=the-goodshepherd.blogspot.com) http://www.emanoeel.com/up/uploads2/images/emanoeel-db4ef1254f.gif