تامل حوارى جميل جدا

[بنت مارمينا]

تامل حوارى جميل جداااا


http://vb.arabseyes.com/uploaded/4_1199316543.jpg


الابــــــــــنه:أنا بنت كنت زيكم بريئه انا مش كدابه ولا بكـــاشه صدقونى هى دى الحقيقه..
انا عايزه اكلمكم عن نفسى لكن خايفه... خايفه من نظراتكم الى بتطردنى بره الخليقه ما انتو لو تعرفو حكايتى لو تحسوا لو تفهموا لو تسمعونى ولو دقيقه...
ولا بلاش يعنى هو كان مين سمعنى ولا حس بيا وانا قلبــى مولع حريقه خلينى سااااكته وكاتمه وجعى وذلى وكسرتى يمكن تكون دى احسن طريقه.
خلينى بنزيف جوايا من وش مرسوم عليه ضحكه رقيقه.
هو انا يعنى مين علشان اكون جريئه ولا هو مين ممكن يساعدنى لو عرف الحقيقه..
خلينى محبوسه فى بحور دموعى الغريقه....

صــوت الــــرب: بنتــــــــــــــــــــــــــــــى
الابنه : ايـــــــــه ده صـــــوت ميـــــــــــــــــــــن

صـــــوت الــــــرب : انا هو انا الى بكاكى بكانى وفرحك ده فرح ليا انتى مش لوحدك انا هنا من اول الحكايه جمبك ومفرقتكيش عنيا... انا مقوم العازر والمنحنيه وغافر ذنب السامريه . ونازفه الدم لسنيـــــــن باديا بقت مشفيه..

الابـنــــــه : انا طول عمرى وحيده متروكه ومحدش بيفكر فيا انا دايما حاسه انى ميته مليش قيمه وكانى دوميه مرميه..

صـــوت الـــرب: يا بنتى انا حبيتـــــــك انتى غاليــه عزيزه وغاليه مكرمه فى عنيـــا..

الابنـــــــه: انا ياما اتمنيت حد يخبط على بابى مش لمصلحه لكن علشان يسال عليا ياما غرقت دموعى مخدتى لحد ماجسمى وجعنى وانا لسه برضه منسيه انت رب المدعوين الحلوين انت ساكن فى ابراجك العاجيه...

صـــوت الـــرب: لاء لا يا بنتى انا مش كلمات جميله تلمس المشاعر وتصبح منسيه انا رجل اوجاع سحقنى الخزى انا مش ساكن فى ابراج عاجيه ..

الابنـــــــــه : احكيلك ايه احكيلك غدر اعز الاصحاب ليا ونسيان كنت الى فاكرهم حوليا ولا شعورى بفقدان السند والضهر ولا فقدان الحب والامان والحنيه ولا عن احلامى الى ماتت واختفت فى بحور الغدر ...

صــــوت الـــــرب: احكيلك انا كمان عن يهوذا الى غدر بيا ولا بطرس الى انكرنى وجدف عليا ولا اقولك على تلاميذى الى وقت ضيقى اختفو وسبونى لوحديا عرفتى انى مجرب وحاسس بيكى ومش رب شعارات او كلمات رنانه وقويه...

الابنـــــــــه : لا متحاولش تقنعنى انك جمبى ولا حوليا متحولش تقول انى ممكن اقوم من موتى وكسرتى وابقى مشفيه انا مش فى زمن العازر والسامريه والقوات المعجزيه انا زمنى زمن الذئاب والوحوش المفتريه ....

صـــــــــوت الـــــــــرب: انا الصدق فى زمن الطرق الملتويه انا اقوى من الوحوش المفتريه انا هــــــو امبارح والنهارده ولالآبد هكون اله العجائب القويه ..

الابنـــــــــه : لا انا خلاص انا الفشل بقى عنوانى انا ريشه بتحركها الرياح فى كل مكان شويه مش ممكن يكون فيه امل فى الدنيــا ديه...

صـــــــــووت الـــــرب: انا الامل تعالى قربى ليا
انا فاتــــح حضنى ليكى وايديا
انا هحول فشلك وضيقك لنغمات عذبه وشجيه
انا مغير الاوقات والازمنه
ارفع راسك المحنيه

واديكى حريه تعالى ..
تعالى هغفرلك ذنبك
وامحى همك

واخليكى مشفيه وعفيه

وحزنك همسح والاذيه هشيـــل عنك
والفرح هديكى ويكون عنوانـــك لكــــــــل ايامــك الجــــــــايه.
كلمات اعجبتنى ولمست قلبى فنقلتها لكم



http://www.emanoeel.com/up/uploads2/images/emanoeel-e14a480070.gif
http://www.emanoeel.com/up/uploads2/images/emanoeel-db4ef1254f.gif
لاتقرأ وتذهب بل سجل بالمنتدى لتكون عضوا مشاركا معنـــــــا

[ليزا]

ميرسسسسسسسسسسى الآخت مارميننننننننننننننننا
نعال هغفر لك ذنبك
وامحى همك
وأخليكة مشفيه وعفيه

بركة الرب تكون معكى