رساله المسيح ليك بعد مذبحه كنيسه الاسكندريه

[بن الملك]

رساله المسيح ليك بعد مذبحه كنيسه الاسكندريه

عاوزكم تعرفوا أد ايه أنا بأحبكم

أنا متألم أكتر منكم دول ولادي .. دي كنيستي .. ده اسمي اللي بيجدفوا عليه ويقولوا سايب كنيسته ومش بيحمي ولاده
أنا مش سايبكم ولا سايب كنيستي
بس عاوز أسألكم ... كل سنة بتتكلموا عن الصليب ، ويجي النيروز وتتكلموا عن الاستشهاد ودماء الشهداء اللي حبوني حتى الموت

يا ترى ده كلام وبس ... ؟؟
ولا عندكم استعداد تشاركوني صليبي ؟؟

"إن كان العالم يبغضكم فأعلموا أنه قد أبغضني قبلكم. لو كنتم من العالم لكان العالم يحب خاصته. ولكن لأنكم لستم من العالم بل أنا اخترتكم من العالم لذلك يبغضكم العالم. اذكروا الكلام الذي قلته لكم ليس عبداً أعظم من سيده. إن كانوا قد اضطهدوني فسيضطهدونكم. وإن كانوا قد حفظوا كلامي فسيحفظون كلامكم. لكنهم إنما يفعلون بكم هذا كله من أجل اسمي لأنهم لا يعرفون الذي أرسلني"
(يو 15 : 18 – 21)

أنتم بتحبوني كل وقت ؟؟
مستعدين تتألموا معايا عشان تتمجدوا معايا ؟؟
ولا رافضين الضيق والتعب ؟؟
اللي حصل ده للخير ...
كل الأمور يهمني منها خلاص نفوسكم
عاوز أجهز كنيستي عروستي ...
عاوز العروس تكون جاهزة لمقابلة عريسها
عاوزها معطرة بالمر واللبان ... بالمر ...
المر أكتر حاجة تعطر العروسة وتخليها جاهزة لمقابلتي ولعرسي السماوي
يا ولادي الأحباء ... يا ترى مستعدين ؟؟
جاهزين ؟؟
معطرين بالمر ؟؟
ليه ما أشوفكمش كلكم في بيتي ؟؟

في تسابيح كيهك عاوزكم كلكم متجمعين في حضني ..
كلكم بتسبحوا وسهرانين

كنت متوقع في سهرة كيهك الأخيرة ... وبعد حادثة راس السنة ألاقيكم كلكم في بيتي جايين تتعزوا عندي ومعايا
جايين تكلموني وتوصوني عن كنيستي ...
زعلت لأن كتير منكم ماجوش ... كتير زعلوا ومفكروش يجوا يكلموني ...

إنما في قداس العيد مستنيكم ... تهتموا بالصلاة وتتناولوا عشان تتحدوا بي وتثبتوا في وأنا فيكم
متخلوش العالم يلخبطكم ... اوعوا تنشغلوا بالفسح والحفلات والخروجات وووو ....

لي عتاب عليكم ... اسمحوا لي أنا أبوكم

كام واحد منكم بيشوفني يوم العيد ؟؟؟
كام واحد بيقرأ كلامي يوم العيد ؟؟
كام واحد بيصحى الصبح يكلمني يوم العيد ؟؟؟

أنا صاحب العيد !!!
كام واحد بيهتم انه يخدم ويزور أخواتي ويفرحهم ؟؟؟
كام واحد بيجي القداس يتناول ؟؟؟
مش بس جاي يسلم على أصحابه ويفرح باللبس الجديد ؟؟!؟؟
يا ترى عرفتم ايه الخير من الضيقة دي ؟؟
عاوزكم أقوى .. عاوزكم صاحيين .. فايقين .. جاهزين
عاوزكم زي الخمس الحكيمات دايماً مستعدين
العرس كبير ومعد ...
أنا مجهز لكم حفلة عظيمة على السحاب
أنا متشوق اوي لخلاصكم وفي انتظاركم
زعلانين اني بأستقبلكم بأكاليل ؟؟؟
زعلانين أني عاوز أخدكم في حضني ؟؟
يا بخت أخواتكم اللي سبقوكم ...
كلهم فرحانين ولابسين أكاليل
أوعوا تزعلوا ولا تعثروا في ...
في وقت الضيق تعالوا عندي ..
تعالوا بيتي .. تعالوا لحضني
أنا أعزيكم وأطمنكم وأحفظكم ...
وعاوزكم كلكم معايا في السماء
أبوكم ... يسوع

http://www.emanoeel.com/up/uploads2/images/emanoeel-db4ef1254f.gif (http://st-maria.info/vb/showthread.php?t=828)